日劇《民王》男星菅田將暉近年上位,23歲嘅佢早前被指暗撻21歲女星二階堂富美,更被拍下相約出街,地下情傳得似層層。
雖然菅田將暉同二階堂都否認拍拖,形容對方係圈中好朋友,但二人冇因緋聞而減少見面,而且女方更毫不避忌招待緋聞男友夜訪香閨,今次仲玩三人行,約埋21歲男星栗原類齊齊玩通宵。年紀輕輕嘅二階堂都唔少緋聞,佢先後同影星新井浩文、歌手星野源傳出戀情,今年被指與菅田將暉打得火熱,今日出版嘅雜誌《女性Seven》,就再次追訪呢對心靈伴侶,拍得兩人日前一個晚上再約見面,同埋栗原類喺澀谷食串燒,三人食到半夜12點,二階堂叉住雙手由兩男傍住離場,霸氣十足嘅二階堂一行三人,隨即截的士從澀谷搭車到二階堂嘅豪宅新居,三人玩到第二朝,究竟佢哋三個有乜好玩搞足成晚呢?... |